《山林密語》- 香港首個以「無痕山林」為主題，結合科學、藝術、互動體驗嘅大型環保展覽
香港近年大力推動 #綠色旅遊，訪客多咗，山林會唔會吃不消呢？
一向熱情款待嘅山林世界 ，不斷用「身體語言」同大家講自身感受，你又 get 到幾多？
我哋發現一個提升郊野承載力嘅法寶 -「無痕山林 Leave No Trace」(LNT)，令我哋山林同山徑嘅靚樣持久不滅，呢個唔係都市傳說，只要人人有相同念力，先可以發揮功效！
綠惜地球誠邀熱愛郊野嘅你，一齊解讀「#山林密語」，探索提升郊野承載力嘅法寶！透過自然科學實驗、互動展品、親子玩學區、體驗工作坊等，輕鬆探索 #LNT精神 同 #可持續山徑 郊野知識，建立「入山隨俗」默契，做個有禮旅人！
=========================
日期：6 月 26 日 (四) - 7 月 1 日 (二)
時間：11AM - 8PM
地點：荃灣愉景新城 D·PARK L1 中庭
=========================
免費精彩展區及互動活動，等你發掘！
山林實驗室 - 以科學小實驗解開山徑耗損之謎！
十大無痕山林新聞 - 由你揭曉港人最關注嘅山界焦點熱話！
瘋狂山林啟示錄 - Surreal 巨型創意藝術作品玩轉郊野！
玩轉家樂徑 - 親子同樂，七種好玩遊戲體驗無痕山林！
無痕山林百子櫃 - 齊集山系團體嘅惜山故事、秘訣同教材！
不留痕美術館 - 插畫師用畫作，話你知點樣行山不留痕！
山林密語集遊寄 - 尋找隱藏印章，破解「終極山林密語」！